Service accueil

Duerch d'Zentraliséierung vum Accueil vun de Leit déi eng Deklaratioun fir Zesummenaarbecht am Kader vum Artikel 13(1) vum REVIS-Gesetz ënnerschreiwen mussen garantéiert den ONIS all deene Persounen, an hire jeeweils spezifeschen Haushaltssituatiounen, eng gerecht an identesch Behandlung.

Jiddereen deen ënnert seng Responsabilitéit fält gëtt vum ONIS op eng Informatiounsversammlung agelueden. D' Participatioun un esou Reuniounen ass obligatoresch an ass e Bestanddeel vum sozialen a beruffleche Aktivéierungsprozess.

Zwou Reuniounen, eng op Franséisch an eng op Lëtzebuergesch (oder op Däitsch) gi parallel ofgehalen. Eng Persoun, déi di dräi lëtzebuergesch Amtssproochen ongenügend beherrscht, kann sech vun enger zweeter Persoun begleede loossen, déi d’ Informatiounen aus der Reunioun iwwersetzt.

Bei der Presentatioun vun de REVIS-Bestëmmunge gi virun allem d'Rechter an d'Flichte vun de Participante souwéi de Gesetzesartikel iwwert Aktivéierungsmesuren ervirgehuewen. D'Reunioune bidden de Participanten och d'Méiglechkeet Froen ze stellen. All Participant kritt eng eege Referenzpersoun (Agent regional d'inclusion sociale) zougewisen a kritt en éischte Rendezvous do.

En "Informatiounsblat" op Lëtzebuergesch, Franséisch, Däitsch an Englesch faasst déi wichtegst Elementer vun der Informatiounsreunioun zesummen a gëtt de Participanten no der Reunioun zesumme mat enger schematescher Duerstellung vun de nächste Schrëtt ausgedeelt.

Fir all weider Informatioun, kënnt Dir den Service d'accueil direkt ënnert dem (+352) 247-83657 bei der Madame Jill Serres kontaktéieren.

Aktualiséiert